റൂഹാമൗണ്ട്: അട്ടപ്പാടി സെഹിയോൻ ധ്യാനകേന്ദ്രത്തിലെ ആഗസ്റ്റ് മാസത്തിലെ ആദ്യവെള്ളി അഭിഷേകാഗ്നി കൺവെൻഷൻ സമാപിച്ചു. കൺവെൻഷന് ബഹുമാനപ്പെട്ട സേവ്യർ ഖാൻ വട്ടായിലച്ചൻ നേതൃത്വം നൽകി. ഇന്ന് (2023 ആഗസ്റ്റ് 04) രാവിലെ 08:00 മണിക്ക് ജപമാലയോട് കൂടി ആരംഭിച്ച കൺവെൻഷൻ ഉച്ചകഴിഞ്ഞ് 03:00 മണിയ്ക്ക് ആരാധനയോട് കൂടി സമാപിച്ചു.
ജപമാല, ദൈവസ്തുതിപ്പുകൾ, വചനപ്രഘോഷണം, വിശുദ്ധ കുർബാന, ആരാധന തുടങ്ങിയ ശുശ്രൂഷകളാണ് ഇന്നത്തെ കൺവെൻഷനിൽ നടത്തപ്പെട്ടു. മുഴുവൻ സമയവും ബഹുമാനപ്പെട്ട സേവ്യർ ഖാൻ വട്ടായിലച്ചൻ ശുശ്രൂഷകൾക്ക് നേതൃത്വം നൽകി. പൊതുവായ ശുശ്രൂഷകൾക്ക് ശേഷം ബഹുമാനപ്പെട്ട വട്ടായിലച്ചനും മറ്റ് വൈദികരും ദൈവജനത്തിന്റെ തലയിൽ കൈവെച്ച് പ്രത്യേകം പ്രാർത്ഥിച്ചു.
