1247-ൽ ടസ്കനിയിലെ ലോവിയാനയിൽ കോർട്ടോണയിലെ വി.മാർഗരറ്റ് ജനിച്ചു. അവളുടെ പിതാവ് ഒരു ചെറുകിട കർഷകനായിരുന്നു. മാർഗരറ്റിന് ഏഴു വയസ്സുള്ളപ്പോൾ അമ്മ മരിച്ചു. എന്നാൽ അവളുടെ പിതാവ് വീണ്ടും വിവാഹിതനാവുകയും രണ്ടാനമ്മയുടെ പീഡനങ്ങൾക്ക് അവൾക്ക് വിധേയയാകേണ്ടി വരുകയും ചെയ്തു.ഇതിൽ നിന്ന് മോചനം തേടിയെന്നവണ്ണം മോണ്ടെപുൾസിയാനോയിൽ നിന്നുള്ള ഒരു യുവാവിനൊപ്പം ഒളിച്ചോടിയ അവൾ , അയാളുമായുള്ള വിവാഹേതരബന്ധത്തിൽ ഒരു മകനെയും പ്രസവിച്ചു. ഒമ്പത് വർഷത്തിന് ശേഷം അപ്രതീക്ഷിതമായി അവളുടെ കാമുകൻ കൊലചെയ്യപ്പെട്ടു.വലിയ മാനസാന്തരത്തിലേക്ക് കടന്ന അവൾ മോണ്ട്പുൾസിയാനോയെ ഉപേക്ഷിച്ച് തന്റെ പിതാവിന്റെ വീട്ടിലേക്ക് ഒരു പരിഹാരജീവിതം ആഗ്രഹിച്ച് മടങ്ങി. എന്നാൽ അവളുടെ പിതാവ് അവളെയും മകനെയും സ്വീകരിക്കാൻ വിസമ്മതിച്ചപ്പോൾ, കോർട്ടോണയിലെ ഒരു സന്യാസാശ്രമത്തിലേക്ക് ചെന്ന അവൾക്ക് അവിടെ അഭയം ലഭിച്ചു.പിന്നീട് അവളുടെ മകൻ ഒരു ഫ്രാൻസിസ്കൻ സന്യാസിയായി മാറി.സന്യാസാശ്രമത്തിൽ പ്രവേശിച്ചിട്ടും ജഡത്തിന്റെ പ്രലോഭനങ്ങളെ മറികടക്കാൻ മാർഗരറ്റ് ഏറെ ബുദ്ധിമുട്ടി.
എന്നാൽ ദൈവകരുണയിലാശ്രയിച്ച അവൾ ഒരു ഫ്രാൻസിസ്കൻ വൈദികന്റെ അടുക്കൽ കുമ്പസാരിക്കുകയും, കുമ്പസാരക്കാരന്റെ ആത്മീയ നിർദ്ദേശമനുസരിക്കുകയും,ചെറിയ ഒരു കുടിലിൽ തപസും കണ്ണീരും പ്രാർത്ഥനയുമടങ്ങിയ ഏകാന്ത ജീവിതം നയിക്കുകയും ചെയ്തു.1277ൽ സന്യാസവസ്ത്രം ലഭിച്ച അവൾ പിന്നീടുള്ള ജീവിതം മുഴുവൻ പ്രാർത്ഥനയ്ക്കും പരിഹാരത്തിനുമായി ചെലവഴിച്ചു.രാവും പകലും അവൾ അവളുടെ പാപങ്ങളെ ഓർത്ത് കരഞ്ഞു, പലപ്പോഴും കരച്ചിൽ അവളുടെ ശബ്ദത്തെ ഞെരുക്കുകയും അവളുടെ ശബ്ദത്തെ തടസപ്പെടുത്തുകയും ചെയ്തു.മാർഗരറ്റിനെ വീണ്ടും വീഴ്ത്താൻ സാത്താൻ എല്ലാ കുതന്ത്രങ്ങളും കെണിയും ഉപയോഗിച്ചു, പക്ഷേ പ്രാർത്ഥനയും മരണവും എളിമയും വഴി അവൾ അവനെ എതിർത്തു.
പിന്നീട് ദൈവം അവളിലൂടെ നിരവധി അത്ഭുതങ്ങൾ പ്രവർത്തിച്ചു. രോഗികളെ സുഖപ്പെടുത്തുകയും , മരിച്ചുപോയ ഒരു കുട്ടിയെ ഉയിർപ്പിക്കുകയും, പിശാചുക്കളെ പുറത്താക്കുകയും ചെയ്തു. ഒടുവിൽ, 23 വർഷത്തെ കഠിനമായ തപസ്സിനുശേഷം, അവളുടെ ജീവിതത്തിന്റെ 50-ാം വർഷത്തിൽ, 1297 ഫെബ്രുവരി 22-ന്, ദൈവം അവളെ നിത്യസമ്മാനത്തിനായി വിളിച്ചു.1728-ൽ ബനഡിക്ട് പതിമൂന്നാമൻ മാർപാപ്പ അവളെ വിശുദ്ധയായി പ്രഖ്യാപിച്ചു. ഇന്നും അഴുകാതെയിരിക്കുന്ന അവളുടെ ഭൗതികശരീരം കോർട്ടോണയിലെ അവളുടെ പേരിലുള്ള ദേവാലയത്തിൽ സൂക്ഷിച്ചിരിക്കുന്നു.പലപ്പോഴും മനോഹരമായ സുഗന്ധം അതിൽനിന്ന് പുറപ്പെടുന്നതായി പറയപ്പെടുന്നു.
ലേഖകൻ: ബ്രദർ ജെറിൻ PDM – Ruha Mount Media Team
ഈ വിശുദ്ധയെക്കുറിച്ച് കൂടുതൽ അറിയാൻ ലിങ്ക് സന്ദർശിക്കുക:
https://www.franciscanmedia.
https://www.catholic.org/
https://www.roman-catholic-
https://chat.whatsapp.com/
PDM Ruha Mount
