പയ്യാവൂർ: പയ്യാവൂർ AFCM അഭിഷേകാഗ്നി കൺവെൻഷൻ ഇന്ന് (2023 മാർച്ച് 4) നാലാം ദിനത്തിലേക്ക്. മൂന്നാം ദിനമായ ഇന്നലെ അഭിഷേകനിറവിൽ കൺവെൻഷൻ ശുശ്രൂഷകൾ നടത്തപ്പെട്ടു. ഉച്ചകഴിഞ്ഞ് നാലുമണിയ്ക്ക് ജപമാലയോട് കൂടി ആരംഭിച്ച ശുശ്രൂഷകൾ 9:00 മണിയ്ക്ക് പരിശുദ്ധ കുർബാനയുടെ ആരാധനയോട് കൂടി സമാപിച്ചു. അഭിവന്ദ്യ മാർ അലക്സ് താരാമംഗലം പിതാവ് വിശുദ്ധ കുർബാനയ്ക്ക് മുഖ്യകാർമികത്വം വഹിച്ചു.
കുർബാനയ്ക്ക് ശേഷം ഫാ. സാംസൺ മണ്ണൂർ PDM വചനപ്രഘോഷണത്തിനും ആരാധനയ്‌ക്കും നേതൃത്വം നൽകി. കൺവെൻഷനിൽ സംബന്ധിക്കുന്നതിനായി ആയിരങ്ങൾ കൺവെൻഷൻ ഗ്രൗണ്ടിലേക്ക് വളരെ നേരത്തെ തന്നെ എത്തി പ്രാർത്ഥിച്ച് ഒരുങ്ങുന്നത് പയ്യാവൂർ AFCM അഭിഷേകാഗ്നി കൺവെൻഷനിൽ വലിയ അത്ഭുതമായി. നാളെ (05/03/2023) സമാപിക്കുന്ന കൺവെൻഷനിൽ ഇന്നും നാളെയും മുഴുവൻ സമയവും ബഹുമാനപ്പെട്ട സേവ്യർ ഖാൻ വട്ടായിലച്ചൻ ശുശ്രൂഷകൾക്ക് നേതൃത്വം നൽകും.
