റൂഹാ മൗണ്ട്: സീറോ മലബാർ സഭയുടെ ആസ്ഥാന കാര്യാലയമായ കാക്കനാട് മൗണ്ട് സെന്റ് തോമസിൽ മേജർ ആർക്കി എപ്പിസ്കോപ്പൽ കൂരിയയുടെ ചാൻസലറായി റവ. ഡോ. ഏബ്രഹാം കാവിൽപുരയിടത്തിലിനെ മേജർ ആർച്ച് ബിഷപ്പ് കർദ്ദിനാൾ മാർ ജോർജ് ആലഞ്ചേരി നിയമിച്ചു. കൂരിയയുടെ വൈസ് ചാൻസിലറായി സേവനം ചെയ്തുവരികയായിരുന്നു ബഹുമാനപ്പെട്ട കാവിൽപുരയിടത്തിലച്ചൻ. ഈ മാസം 9 ന് സത്യപ്രതിജ്ഞ ചെയ്തു ചുമതലയേറ്റു.
1973 ൽ താമരശേരി രൂപതയിലെ വാളൂക്ക് സെന്റ് മേരീസ് ഇടവകയിൽ കാവിൽപുരയിടത്തിൽ പരേതരായ ഏബ്രഹാം-ഏലിക്കുട്ടി ദമ്പതികളുടെ മകനായി ജനിച്ചു. സ്കൂൾ പഠനത്തിനുശേഷം താമരശേരി മൈനർ സെമിനാരിയിലും ആലുവ കാർമൽ ഗിരി സെമിനാരിയിലും പൂന പേപ്പൽ സെമിനാരിയിലുമായി വൈദിക പരിശീലനം നേടി. 2000 ഡിസംബർ 26ന് വൈദികപട്ടം സ്വീകരിച്ചു. ദൈവഹിതത്തിനു വിധേയപ്പെട്ട് തന്റെ നേതൃത്വ നിരയോട് ചേർന്ന് വിശ്വസ്തതാപൂർവം ശുശ്രൂഷ ചെയ്യുന്ന കാലഘട്ടത്തിൽ 2005 ൽ ഉപരിപഠനത്തിനായി റോമിലേ ക്ക് പോയി. സാന്ത കോച്ചേ യൂണിവേഴ്സിറ്റിയിൽനിന്നു ലത്തീൻ കാനൻ നിയമത്തിൽ ബിരുദാനന്തര ബിരുദവും പൊന്തിഫിക്കൽ ഓറിയന്റൽ ഇൻസ്റ്റിറ്റ്യൂട്ടിൽനിന്ന് ഓറി യന്റൽ കാനൻ നിയമത്തിൽ ബിരുദാനന്തര ബിരുദവും ഡോക്ടറേറ്റും കരസ്ഥമാക്കി. തുടർന്ന് താമരശേരി രൂപതയുടെ ചാൻസലർ, പിആർഒ, വൈദിക സമിതി സെക്രട്ടറി എന്നീ നിലകളിൽ സേവനമനുഷ്ഠിച്ചു.
തുടർന്നാണ് കൂരിയയുടെ വൈസ് ചാൻസിലറായി നിയമിതനാവുന്നത്. തന്നെ ഏൽപ്പിച്ച ഉത്തരവാദിത്വങ്ങൾ വളരെയധികം വിധേയത്വത്തിലും അനുസരണത്തിലും തന്റെ അധികാരികളോടൊപ്പം അദ്ദേഹം ശുശ്രൂഷ ചെയ്ത് വരികയാണ് ദൈവഹിതപ്രകാരം കൂടുതൽ ഉത്തരവാദിത്വങ്ങൾ ഏല്പിച്ചുകൊണ്ട് ബഹുമാനപ്പെട്ട അച്ചനെ മേജർ ആർച്ച് ബിഷപ്പ് കർദ്ദിനാൾ മാർ ജോർജ് ആലഞ്ചേരി പിതാവിലൂടെ കൂരിയയുടെ ചാൻസലറായി നിയമിച്ചത്.
