1873ൽ ഫ്രാൻസിലെ അലെൻസോണിൽ വിശുദ്ധരായ ലൂയി മാർട്ടിൻ-സെലി ഗ്വെരിൻ ദമ്പതികളുടെ അഞ്ച് പെൺമക്കളിൽ ഇളയവളായിട്ടാണ് വി.കൊച്ചുത്രേസ്യ ജനിച്ചത്.അവൾക്ക് നാല് വയസുള്ളപ്പോൾ അമ്മ സെലി മരണമടഞ്ഞു. പിന്നീട് പിതാവിന്റെയും ചേച്ചിമാരുടെയും സംരക്ഷണത്തിൽ വളർന്ന അവളിൽ ശിശുസഹജമായ ദൈവാശ്രയം, ആത്മാക്കൾക്കുവേണ്ടിയുള്ള ദാഹം എന്നീ കൃപകൾ പ്രകടമായിരുന്നു. മൂത്ത രണ്ട് ചേച്ചിമാർ കർമ്മലീത്തമഠത്തിൽ ചേർന്നതിന് പിന്നാലെ കർമ്മലസഭാംഗമാകുവാൻ അവളും ആഗ്രഹിച്ചു.1887ൽ ഇതിനായി അവൾ അപേക്ഷിച്ചെങ്കിലും പ്രായക്കുറവ് മൂലം പ്രവേശനാനുമതി നിഷേധിക്കപ്പെട്ടു. എന്നാൽ തൊട്ടടുത്ത വർഷം, തന്റെ പതിനഞ്ചാം വയസിൽ അവൾക്ക് അനുമതി ലഭിക്കുകയും മഠത്തിൽ പ്രവേശിക്കുകയും ചെയ്തു. പിന്നീടുള്ള 9 വർഷക്കാലത്തെ സന്യാസജീവിതത്തിൽ അസ്വാഭാവികമായ ഭക്താഭ്യാസങ്ങളോ പരിഹാരപ്രവർത്തികളോ ഒന്നും കൊച്ചുത്രേസ്യ അനുഷ്ഠിച്ചതായി കാണുന്നില്ല. എന്നാൽ,സാധാരണകൃത്യങ്ങൾ ദൈവസ്നേഹത്തെപ്രതി ചെയ്തുകൊണ്ട് അവയെ ദൈവസന്നിധിയിൽ മൂല്യമുള്ളതാക്കി മാറ്റാൻ അവൾക്ക് സാധിച്ചു.ആദ്ധ്യാത്മിക ശിശുത്വം എന്ന സ്വർഗത്തിലേക്കുള്ള കുറുക്കുവഴി ഇക്കാലയളവിൽ അവൾ കണ്ടെത്തി. ആത്മാക്കളുടെ രക്ഷയ്ക്കുവേണ്ടിയുള്ള പ്രാർത്ഥനയോടൊപ്പം തന്നെ തിരുസഭ, വൈദികർ, മിഷനറിമാർ എന്നിവയും അവളുടെ പ്രാർത്ഥനാവിഷയങ്ങളായിരുന്നു.ക്ഷയരോഗം പിടിപെട്ടതിനെത്തുടർന്ന് 1897ലായിരുന്നു വി. കൊച്ചുത്രേസ്യായുടെ മരണം.കൊച്ചുത്രേസ്യായുടെ മരണശേഷം അവളുടെ ആത്മകഥ പ്രസിദ്ധീകരിക്കപ്പെടുകയും വലിയ പ്രചാരം നേടുകയും ചെയ്തു.1925ൽ പതിനൊന്നാം പീയൂസ് പാപ്പ കൊച്ചുത്രേസ്യായെ വിശുദ്ധയായി പ്രഖ്യാപിച്ചു.1997ൽ തിരുസഭയിലെ വേദപാരംഗതയായി ഉയർത്തപ്പെട്ടു.
ഈ വിശുദ്ധയെക്കുറിച്ച് കൂടുതൽ അറിയാൻ ലിങ്ക് സന്ദർശിക്കുക:
https://www.catholicnewsagency.com/saint/st-therese-of-the-child-jesus-611
https://www.biographyonline.net/spiritual/st_therese_lisieux.html
http://www.pravachakasabdam.com/index.php/site/news/2662
https://chat.whatsapp.com/HFQlWLYvdCD4PAIpYDn22D
PDM Ruha Mount
