1603ൽ ഇറ്റലിയിലെ കുപ്പർത്തീനോയിൽ ജനിച്ച വി.ജോസഫ് കുപ്പർത്തീനോയ്ക്ക് പഠനവൈകല്യം, സ്ഥലകാലബോധമില്ലായ്മ, മറവി തുടങ്ങി അനേകം കുറവുകൾ ചെറുപ്പം മുതലെ ഉണ്ടായിരുന്നു. വീട്ടിലും നാട്ടിലും എല്ലാവരാലും അവഗണിക്കപ്പെട്ടിരുന്ന വിശുദ്ധൻ കഴിവുകുറവ് മൂലവും എപ്പോഴും അബദ്ധങ്ങൾ സൃഷ്ടിച്ചിരുന്നതിനാലും എല്ലാവർക്കും ഒരു ബാധ്യതയായിരുന്നു.ഈ സാഹചര്യങ്ങൾക്കിടയിലും വിശുദ്ധന് തന്റെ നിഷ്കളങ്കത നഷ്ടപ്പെട്ടിരുന്നില്ല. വിശുദ്ധനെ അദ്ദേഹത്തിന്റെ അമ്മ ഒരു ഫ്രാൻസിസ്കൻ ആശ്രമത്തിലേക്ക് അയച്ചെങ്കിലും അവിടെനിന്ന് അദ്ദേഹത്തെ പറഞ്ഞുവിട്ടു.വീട്ടിലേക്ക് തിരികെ വന്ന മകനെ അമ്മ ആശ്രമത്തിലെ കൃഷിപ്പണികൾ ചെയ്ത് ജീവിക്കാൻ വീണ്ടും ആശ്രമത്തിലാക്കി. ആശ്രമത്തിലെ കന്നുകാലികളെ പരിപാലിക്കുന്നതിനിടയിൽ ദീർഘനേരം പ്രാർത്ഥിക്കുകയും അഗാധമായ വിനയവും അനുസരണവും അഭ്യസിക്കുകയും ചെയ്ത ജോസഫിനെ സന്യാസിമാർ പൗരോഹിത്യപരിശീലനത്തിലേക്ക് പ്രവേശിപ്പിച്ചു.പഠനത്തിൽ ഏറെ ബുദ്ധിമുട്ടിയിരുന്ന വിശുദ്ധൻ അത്ഭുതകരമായി പരീക്ഷകൾ വിജയിക്കുകയും 1628ൽ പുരോഹിതനാവുകയും ചെയ്തു.പരഹൃദയജ്ഞാനം, പ്രവചനവരം എന്നിങ്ങനെയുള്ള വരങ്ങൾ വിശുദ്ധനിൽ വെളിപ്പെട്ടിരുന്നു. പ്രാർത്ഥനാസമയത്തും ദിവ്യബലിക്കിടയിലുമൊക്കെ അദ്ദേഹം ആത്മാവിൽ ലയിക്കുകയും ശരീരം അന്തരീക്ഷത്തിലൂടെ ഒഴുകിനടക്കുകയും ചെയ്തിരുന്നതിന് നൂറോളം സാക്ഷികളുണ്ട്.ഒരു ദൈവസ്തുതിയോ ഒരു വിശുദ്ധന്റെ നാമമോ ഒക്കെ കേട്ടാൽ മതിയായിരുന്നു അദ്ദേഹത്തിന് പ്രാർത്ഥനയിൽ ലയിച്ച് മണ്ണിൽനിന്ന് ഉയർന്നുപൊങ്ങാൻ.ഇത്തരം അത്ഭുതകരമായ സവിശേഷതകൾ നിമിത്തം അനേകം അന്വേഷണങ്ങൾക്കും പരീക്ഷണങ്ങൾക്കും അദ്ദേഹം വിധേയനാകേണ്ടി വന്നു. എളിമയും ലാളിത്യവും നിറഞ്ഞ അദ്ദേഹത്തിന്റെ ഇഹലോകവാസം 1663ലാണ് അവസാനിച്ചത്.
വിദ്യാർത്ഥികളുടെയും വിമാനപൈലറ്റുമാരുടെയും മധ്യസ്ഥനാണ് വി. ജോസഫ് കുപ്പർത്തീനോ.
ഈ വിശുദ്ധനെക്കുറിച്ച് കൂടുതൽ അറിയാൻ ലിങ്ക് സന്ദർശിക്കുക:
https://www.catholic.org/saints/saint.php?saint_id=72
https://www.ewtn.com/catholicism/library/st-joseph-of-cupertino-the-dunce-5587
http://www.pravachakasabdam.com/index.php/site/news/2524
https://chat.whatsapp.com/HFQlWLYvdCD4PAIpYDn22D
PDM Ruha Mount
