1835ൽ ഇറ്റലിയിൽ ഒരു ദരിദ്രകുടുംബത്തിൽ ജനിച്ച വി. പീയൂസ് പത്താമൻ പാപ്പാ കടുത്ത ദാരിദ്ര്യത്തിന്റെ നടുവിലും വിദ്യാഭ്യാസത്തിൽ മികവ് പുലർത്തി.വികാരിയച്ചന്റെ സഹായത്താൽ ഹൈസ്കൂൾ വിദ്യാഭ്യാസവും പൂർത്തിയാക്കിയ അദ്ദേഹം തുടർന്ന് സെമിനാരിയിൽ ചേർന്നു.1858ൽ വൈദികനായശേഷം ടോമ്പോളോ എന്ന ദരിദ്രമായ ഒരു ഇടവകയിൽ അസി.വികാരിയായി നിയമിതനായി. ദരിദ്രരായ ജനങ്ങൾക്ക് വിദ്യാഭ്യാസം നൽകിയും മറ്റും ആ ഇടവകയെ ഉന്നതിയിലേക്ക് നയിച്ച വിശുദ്ധൻ 32ആം വയസിൽ സൽസാനോ ഇടവകയിലെ വികാരിയായി നിയമിക്കപ്പെട്ടു. പിന്നീട് രൂപതയുടെ ചാൻസലറായും, സെമിനാരിയിലെ സ്പിരിച്വൽ ഡയറക്ടറായും നിയമിതനായ അദ്ദേഹം 1884ൽ മാന്തുവാ രൂപതയുടെ മെത്രാനായി. മതപരമായ കാര്യങ്ങൾക്ക് ഗവണ്മെന്റിൽ നിന്നുണ്ടായിരുന്ന എതിർപ്പുകൾ പ്രതിസന്ധികൾ സൃഷ്ടിച്ചെങ്കിലും ആത്മീയമായി തകർന്നിരുന്ന രൂപതയിലെ വൈദികരെയും ദൈവജനത്തേയും അദ്ദേഹം വിശ്വാസത്തിലേക്ക് തിരിച്ചുകൊണ്ടുവന്നു. സെമിനാരികളിൽ നവീകരണപ്രവർത്തനങ്ങൾ നടത്താനും വിശ്വാസപരിശീലനം എല്ലാ ഇടവകകളിലും ഉറപ്പാക്കാനും അദ്ദേഹം ശ്രദ്ധിച്ചു.1893ൽ കർദിനാളായി ഉയർത്തപ്പെടുകയും വെനീസിലെ പാത്രിയാർക്കീസ് ആയി നിയമിക്കപ്പെടുകയും ചെയ്തു.1903ൽ ലിയോ പതിമൂന്നാമൻ പാപ്പായുടെ അന്ത്യത്തെത്തുടർന്ന് മാർപാപ്പയായി തെരഞ്ഞെടുക്കപ്പെട്ടു.ദിവസേനയുള്ള വി.കുർബാന സ്വീകരണം,കാനോൻ നിയമങ്ങളുടെ പരിഷ്കരണം, സെമിനാരി പരിശീലനത്തിലുള്ള നവീകരണം എന്നിവയെല്ലാം പീയൂസ് പത്താമൻ പാപ്പാ നടപ്പിലാക്കി.വി. തോമസ് അക്വീനാസിന്റെ പഠനങ്ങൾക്ക് അദ്ദേഹം സഭയിൽ വലിയ പ്രാധാന്യം നൽകി.ഒന്നാം ലോകമഹായുദ്ധം പൊട്ടിപ്പുറപ്പെട്ടതിന് തൊട്ടുപിന്നാലെ അദ്ദേഹം രോഗബാധിതനാവുകയും 1914ൽ മരണപ്പെടുകയും ചെയ്തു.1954ൽ വിശുദ്ധനായി ഉയർത്തപ്പെട്ടു.
ഈ വിശുദ്ധനെക്കുറിച്ച് കൂടുതൽ അറിയാൻ ലിങ്ക് സന്ദർശിക്കുക:
http://www.pravachakasabdam.com/index.php/site/news/2225
https://www.ewtn.com/catholicism/library/saint-pius-x-pope-5771
https://mycatholic.life/saints/saints-of-the-liturgical-year/august-21-saint-pius-x-pope/
https://chat.whatsapp.com/HFQlWLYvdCD4PAIpYDn22D
PDM Ruha Mount
