1221-ല്‍ ഇറ്റലിയിലെ അപുലിയയിൽ ജനിച്ച വിശുദ്ധ പീറ്റര്‍ സെലസ്റ്റിന്‍ സ്വന്തം ആഗ്രഹപ്രകാരം തന്റെ 20-മത്തെ വയസ്സില്‍ വിദ്യാഭ്യാസം മതിയാക്കി പര്‍വ്വതപ്രദേശത്ത് ഒരു ഭൂഗര്‍ഭ അറയിലെ ചെറിയ മുറിയില്‍ ഏകാന്ത ജീവിതമാരംഭിച്ചു.ഏതാണ്ട് മൂന്ന് വര്‍ഷങ്ങളോളം വിശുദ്ധന് ഈ ഇടുങ്ങിയ മുറിയില്‍ താമസിച്ചു. പിന്നീട് റോമില്‍ വെച്ച് വിശുദ്ധന് പൗരോഹിത്യ പട്ടം സ്വീകരിച്ചു.1251-ല്‍ വിശുദ്ധന് തന്റെ രണ്ട് സഹചാരികള്‍ക്കൊപ്പം മഗേല്ല മലയിലേക്ക് പോവുകയും മരകൊമ്പുകളും ഇലകളും കൊണ്ട് ഒരു ചെറിയ ആശ്രമകുടീരം പണിയുകയും അവിടെ സന്തോഷപൂര്‍വ്വം തങ്ങളുടെ ആശ്രമജീവിതം തുടരുകയും ചെയ്തു.തന്നെ പിന്തുടരുന്നവരെയെല്ലാം ഒരുമിച്ചു കൂട്ടി വിശുദ്ധന് ഔര്‍ സന്യാസസമൂഹത്തിനു രൂപം നല്‍കുകയും 1274-ല്‍ ഗ്രിഗറി പത്താമന്‍ പാപ്പായുടെ അംഗീകാരം തന്റെ പുതിയ സന്യാസസഭക്ക്‌ നേടിയെടുക്കുകയും ചെയ്തു.വിശുദ്ധന്റെ മരണസമയത്ത് ഏതാണ്ട് 36 സന്യാസ ആശ്രമങ്ങളും, 600 സന്യാസി-സന്യാസിനിമാര്‍ വിശുദ്ധന്റെ സഭക്കുണ്ടായിരുന്നു.നിക്കോളാസ്‌ നാലാമൻ പാപ്പായുടെ മരണത്തോടെ ഒഴിഞ്ഞുകിടന്ന റോമിലെ പരിശുദ്ധ സിംഹാസനത്തിന്റെ അവകാശിയായി 1294ൽ വിശുദ്ധൻ അഭിഷിക്തനായി. പാപ്പായായിരിക്കുമ്പോഴും സന്യാസനിഷ്ഠകൾ അനുഷ്ഠിച്ചിരുന്ന വിശുദ്ധന് അനേകം വിമർശനങ്ങൾ നേരിടേണ്ടി വന്നു.1294 ഡിസംബര്‍ 13ന് നേപ്പിള്‍സിലെ കര്‍ദ്ദിനാള്‍മാരുടെ സമ്മേളനത്തില്‍ വെച്ച് നേപ്പിള്‍സിലെ രാജാവിന്റെയും മറ്റുള്ളവരുടേയും സാന്നിദ്ധ്യത്തില്‍ വെച്ച് വിശുദ്ധന് തന്റെ പാപ്പാ പദവി ഉപേക്ഷിക്കുകയും, തന്റെ ഈ പ്രവര്‍ത്തിയില്‍ ദൈവ സന്നിധിയില്‍ ക്ഷമയാചിക്കുകയും ചെയ്തു.തന്റെ മരണത്തിന് ഒരാഴ്ച മുൻപ് വിശുദ്ധന് തന്റെ മരണദിനം വെളിപ്പെട്ടുകിട്ടി.1296ലായിരുന്നു വിശുദ്ധന്റെ മരണം.1313-ല്‍ ക്ലമന്റ് അഞ്ചാമന്‍ പാപ്പായാണ് പീറ്റര്‍ സെലസ്റ്റിനെ വിശുദ്ധനായി പ്രഖ്യാപിച്ചത്.
ലേഖകൻ: ബ്രദർ ജെറിൻ PDM – Ruha Mount Media Team
കടപ്പാട് : പ്രവാചകശബ്ദം
ഈ വിശുദ്ധനെക്കുറിച്ച് കൂടുതൽ അറിയാൻ ലിങ്ക് സന്ദർശിക്കുക:
https://www.ewtn.com/catholicism/library/st-peter-celestine-pope-c-5351
https://www.catholicnewsagency.com/saint/st-celestine-v-pope-683
https://chat.whatsapp.com/HFQlWLYvdCD4PAIpYDn22D
PDM Ruha Mount
