റൂഹാ മൗണ്ട്: ബഹുമാനപ്പെട്ട സേവ്യർ ഖാൻ വട്ടായിലച്ചൻ നേതൃത്വം നൽകിയ ആദ്യവെള്ളി അഭിഷേകാഗ്നി കൺവെൻഷൻ സമാപിച്ചു. ഇന്ന് (2025 ഒക്ടോബർ 03) രാവിലെ 08:00 മണിയ്ക്ക് ജപമാലയോട്‌ കൂടി കൺവെൻഷൻ ശുശ്രൂഷകൾ ആരംഭിച്ചു. തുടർന്ന് സ്തുതിപ്പ് ശുശ്രൂഷകളും വചന പ്രഘോഷണവും നടത്തപ്പെട്ടു. ബഹുമാനപ്പെട്ട സേവ്യർ ഖാൻ വട്ടായിലച്ചനും ബഹുമാനപ്പെട്ട സോജി ഓലിക്കൽ അച്ചനും ബ്രദർ സാബു കാസർഗോഡും വചനം പങ്കുവെച്ചു. തുടർന്ന് ബഹുമാനപ്പെട്ട സാംസൺ മണ്ണൂർ അച്ചന്റെ മുഖ്യകാർമികത്വത്തിൽ ദിവ്യബലി അർപ്പിക്കപ്പെട്ടു, ഫാ. സജു വടക്കേത്തല, ഫാ. മാത്യു കൊട്ടാരത്തിൽ എന്നിവർ സഹകാർമികരായി.
വിശുദ്ധ കുർബാനയ്ക്ക് ശേഷം ബഹുമാനപ്പെട്ട സേവ്യർ ഖാൻ വട്ടായിലച്ചൻ ദിവ്യകാരുണ്യ ആരാധന നയിച്ചു. ആരാധനയിൽ വിടുതൽ ശുശ്രൂഷകളും വെഞ്ചിരിപ്പ് ശുശ്രൂഷകളും നടത്തപ്പെട്ടു. ആരാധനയോടെ പൊതുവായ ശുശ്രൂഷകൾ സമാപിച്ചു.
Posted By: Ruha Mount Media Team
