കുറവിലങ്ങാട്: കുറവിലങ്ങാട് PDM റിട്രീറ്റ് സെന്ററിൽ ഇന്ന് (2025 സെപ്റ്റംബർ 20 ശനി) നടന്ന മൂന്നാം ശനി ഏകദിന കൺവെൻഷൻ സമാപിച്ചു. ആദ്യ സെഷൻ രാവിലെ 08:30 ന് ജപമാലയോടെ ആരംഭിച്ചു. ശുശ്രൂഷകൾക്ക് ബഹുമാനപ്പെട്ട സാംസൺ മണ്ണൂർ അച്ചൻ നേതൃത്വം നൽകി. ബഹുമാനപ്പെട്ട മാത്യു അച്ചൻ ദിവ്യബലി അർപ്പിച്ചു പ്രാർത്ഥിച്ചു. തുടർന്ന് ദിവ്യകാരുണ്യ ആരാധന നടത്തപ്പെട്ടു. ആരാധനയിൽ വിടുതൽ ശുശ്രൂഷകളും വെഞ്ചരിപ്പ് ശുശ്രൂഷകളും നടത്തപ്പെട്ടു. ഉച്ചയ്ക്ക് 01:30 ന് ആദ്യ സെഷൻ ശുശ്രൂഷകൾ സമാപിച്ചു. തുടർന്ന് ബഹുമാനപ്പെട്ട വൈദികർ ദൈവജനത്തെ കണ്ട് പ്രത്യേകം പ്രാർത്ഥിച്ചു.
രണ്ടാമത്തെ സെഷൻ ശുശ്രൂഷകൾ വൈകിട്ട് 04:30 ന് ജപമാലയോടെ ആരംഭിച്ചു. തുടർന്ന് ബഹുമാനപ്പെട്ട ബിനീഷ് ഇത്തിത്തറ അച്ചൻ ദിവ്യബലി അർപ്പിച്ച് പ്രാർത്ഥിച്ചു. വചനപ്രഘോഷണവും തുടർന്നുള്ള വിടുതൽ ശുശ്രൂഷകൾക്കും ബഹുമാനപ്പെട്ട സാംസൺ മണ്ണൂർ അച്ചൻ നേതൃത്വം നൽകി. രാത്രി 08:30 ന് ആരാധനയോടെ പൊതുവായ ശുശ്രൂഷകൾ സമാപിച്ചു. തുടർന്ന് ബഹുമാനപ്പെട്ട വൈദികർ ദൈവജനത്തെ കണ്ട് പ്രത്യേകം പ്രാർത്ഥിച്ചു.
Posted By: Ruha Mount Media Team
